Амьдрал үргэлж сайхнаараа....

Амьдрал үргэлж сайхнаараа... Алтан нараааан маааандсан хэвээрээ Орчныг гэрэлтүүүүлж

Хожмын амьдрал үргэлж сааайхнаараа Хорвоод хүмүү-үүс сааайхан сэтгэлэээр.....

Гадаа нар гийгээд, сэтгэлд бас нар мандаад сайхан байна аа. Энд үнэхээр сайхан хавар болж байна. Германы хавар ер нь хамгийн сайхан. Энд тэндгүй өнгө өнгийн цэцэг дэлгэрээд, нар гийгээд, гудамжаар янзан бүрийн анхилуун үнэр ханхийгээд л. Өнгөрсөн жил хавар нь монголд, зун нь германд байгаад нар үзэлгүй өнгөрөөчихсөнийг хэлэх үү, би бүр нарны дутагдалд орчихсон байсан. Одоо нэг гэсэж, сэтгэл тэнийж байна. Хэххэ.

Эсгий гудасны шидээ гэж...

Аль хэдэн жилийн өмнө нөхрийн танил нэг монгол залуу нүүх болоод манайд хөнжил гудас гэх мэт бага сага хогшилоо түр тависан юм. Тэгээд бага багаар зөөсөөр байгаад нэг эсгий гудас нь үлдээд өөрөө тэр чигээрээ алга болсон. Одоо хаана ч явдаг юм бүү мэд. Би яахавдээ арчаатай, ажилтай хүүхэн юм болхоороо нөгөө гудасыг нь тал талаас нь шиншилж үзээд эсгий сайтай юм байна гэж онош тавиад хаяхгүйгээр, өнгийг нь солиод өөд нь татаад авчихсан юм. Хаа нэг хүн амьтан, зочин гийчин ирэхээр дэвсээд өгчихдөг юм. Бусад үед нүднээс далд гээд сайхан хуулиад орныхоо доогуур хийчихсэн.

Энэ хорвоод эх, үр хоёр үргэлж хамтдаа байгаасай.

Анх охиноо төрөхөд би баярлаад, ээж болох чинь ийм сайхан байдаг билүү гэж бодон үнэхээр их жаргалтай байсан. Гэхдээ яг хариуцлагаа бүрэн хэмжээгээр ухамсарлаж эх хүн болсон маань нилээн сүүлд. Намайг төрөхөд ээж маань хамт байж, охиныг маань 2 сар гартал байсан юм. Ээжийгээ монгол буцаад 1 сарын дараа би охиноо аваад Монгол явсан. Тэнд ээж, аав 2 гэж том туслагчтай ер түүртээгүй.

Төрсөн өдрийн партины сонин

Төрсөн өдрийн парти нэг юм дууссан шүү. Хүүхдийн төрсөн өдөр ч бас яггүй ядраадаг юм байна. Анхнаасаа манай сахилгагүй шар бөөн ягаан, принцесс-ийн партийн хийнэ гэсэн юм. Тэгснээ дан эрэгтэй хүүхэд урьдаг гэнэ ээ. "Миний охин зарим эмэгтэй найз нараа бас урихгүй бол болохгүй. Гомдоно шүү дээ" гэж байж 2 охин, 3 банди урьсан юм. Тэгсэн тэд нар нь бас банди нар ирэх юм би очихгүй энэ тэр маяглаад. Манай хүүхэн баахан сэтгэлээр унаж проблемтов. Хэхэ. "За миний хүү зүгээр. Бүх найз нараа л урьчих. Ирэх нь ирнэ л биз" гэсэн юм. Мэдээж урилга авсан бүгд л ирсэн. 5хан настай юм байж эд нар нээрээ бас.... Өчигдөр өглөө тэгээд босоод л баахан торт, эклер, маффинз гэх мэт амттан хийгээд, пиццаны гурилаа зуураад ер нь бол бэлтгэл хангагдлаа.

Сахилгагүй шарын хорвоод ирсэн түүх

Анх жирэмсэн болсноо сонсоод инээмээр ч юм шиг, уйлмаар ч юм шиг сонин болж билээ. Тэгээд хэнд ч хэлэхгүй тас нуугаад баймаар санагдсан ч аавд нь мэдээж хэлэлгүй яахав. Тэгээд хүн амьтанд хэлэхгүй гэсэн ам өчгийг нь авсан боловч аав нь тэсэхгүй хорвоогоор нэг тараачихсан байсан. Хэхэх. Миний муухай шар охин чинь харин ээжийгээ ер зовоогоогүйшүү. Хааяа лекцэн дээр удаан хөдөлгөөнгүй суухаар л жоохон тонгочино. Жирэмсний сүүлийн 2 сар харин би жинхэнэ залхуу болж гэртээ дээшээ хараад идээд л хэвтээд байсан. Яг амралт таарсныг ч хэлэх үү. Хүүхэд маань бас дагаад залхуурсан уу яасан доошоо харах ёстой байтал эргээгүй. Хэхэ.

Хайрт аавдаа.

Намайг хүмүүс яасан эрт Март 8 тэмдэглэж эхэлж байна гээд гайхаад байсан. Одоо учрыг нь тайлбарлаадхая. Мартын 8нд миний хайртай аавын төрсөн өдөр болдог юмаа. Тиймээс энэ өдөр аавынхаа баярыг тэмдэглэх гэсэн юм. Энэ өдөр ээжүүдийн баяр, дээрээс нь аавын төрсөн өдөр гээд бөөндөө баярладаг болохоор би мартын 8нд дуртай. Жоохон байхад би “Ээж бид 2 эмэгтэй тул бидний баяр, аавын төрсөн өдөр тул мөн баяр нь. Чи л баяргүй тул өнөөдөр бид 3ын зарц шүү” гээд л дүүгээ мөн ч их уйлуулдаг байсандаа. Хэхэх.

Мундаг ээжтэй байх яасан ч сайхан юм.

Сая нэтээр тэнээд явж байсан чинь миний хөөрхөн ээж сонинд ярилцлага өгчихөж. Бүр “Таван цагариг”-т шүү. Хараад гайхлаашд. Нээх танидаг царай харагдхаар нь лавлаад харсан чинь миний хайртай ээж байна. Танингуутаа сандраад, бантаад байна уу яагаад байна. Хэхэх. Ярилцлага өгсөн гэдгээ хэлэхгүй ээж нээрээ хэнэггүй гар шүү. Хүн чинь өдөр болгон сонинд ярилцлага өгөөд байдаггүй биз дээ? Нээрээ бодоод байсан чинь миний ээж чинь спортын мастер хүн юм байнашд.

Миний хөөрхөн дүү цаана чинь аав болчихсон байна аа!

Сайхан мэдээтэй! Цаана чинь миний бор дүү аав болчихсооон! Өнгөрсөн баасан гаригийн үдээс өмнө (манай эндхийн цагаар) буюу 2009 оны 1 сарын 30нд бэр маань миний дүүд 3200 грамм жинтэй, 49 см урттай хөөрхөн охин гаргаж өглөө. Ээж охин хоёрын бие маш сайн байгаа гэнэ. Хэхэхэ. Аав маань охинд нь Мишээл гэж нэр хайрлажээ. Би ч бүр сонсоод баахан догдлов. Орой нь тэгсэн аав жаахан халамцу яриад, аав нь баярлаад үхэхнээ гээд л нэг уйлаад, нэг инээгээд л байна. Тэгснээ 2 хүүгийнхээ хүүхдийг харчихсан одоод үхсэн ч яахав гэж бодсон чинь сахилгагүй шар хүүхнээ, одоо бас Мишээлийгээ том болгох хэрэгтэй юм байна гээд л аав маань бүр хөөрчихсөн ярьж өгсөн.

Баян Нанзадын бага хүү

Би аавынхаа аавыг сайн мэдэхгүй ээ. Намайг 3 настай байхад бурханы оронлуугаа буцчихсан юм. Ямар ч байсан том хамартай, буурал толгойтой хүн намайг тэврээд л үнсэхэд тамхи үнэртдэг байсныг л санадаг. Ээж маань манай хадам аав аймар том тос даасан чихтэй хачин буянтай хүн байсан гээд л дурсах дуртай. Хэхэх. Аав, ээжийнхээ ярианаас өвөөгөө ямар хүн байсныг ямар амьдрал туулсаныг нь сонсож байснаа цаасан дээр буулгая гэж бодлоо. (Хэхэ. Писиний дэлгэц дээр гэвэл арай дээр ч юмуу?)

Найз минь чамдаа баярллаа

Эртээдээс хойш нэг бичлэг толгойд эргэлдээд байгаа мөртлөө бичих гэхээр болж өгөхгүй байсан юм. Өнөөдөр харин гүрийж байгаад биччихлээ. Хэхэхэ.

Би гэдэг хүн сайн ба зүс мэдэх гээд их олон танилтай. Гэхдээ тэдний дундаас яг найз гээд хэлчих хүн үнэхээр хуруу дарам цөөхөн юмаа. Намайг хүмүүс нүүрэмгий, хүмүүстэй танилцаж найзлахдаа амархан гэдэг ч яг хүнтэй жинхэнэ найз болохдоо бол их хойрго.

Гацуураа чимэглэсэн нь

Өчигдөрийн хагас сайн өдөр их үр бүтээлтэй өнгөрч манайх гэдэг айл ёлка засав. Уг нь би өөрөө амьд гацуур засах дуртай. Даан ч эхлээд гадуур явж гацуураа сонгоно, гэртээ авчираж суурилуулна. Суурилуулж чимсэний дараа нөгөө гацуурны чинь жижиг ногоон навчнууд нь унаад гэрт хог болоод байдгийг цэвэрлэнэ. За тэгээд шинэ жил дууссаны дараа нөгөө гацуураа гаргаж хаяна гэдэг том ажил байна.

Бүсгүйчүүдээ өмөөрсөн бичлэг

Энэ хүмүүсийн бичлэгүүдийг уншаад байсан чинь ер нь монгол бүсгүйчүүд маань хамаг муу юм нь бүрдчихсэн юм бишүү? “Охидууд минь ухаантай бай ” л гэнэ, “Монгол хүүхнүүд устаж алга болоосой л ”гэнэ... Уншаад байсан чинь гэнэт гэдэн хөдлөөд хүүхнүүдээ жоохон өмөөрмөөр санагдчихлаа.

Хурим ба хадам ээж

За та бүхэн санаж байгаа бол урьдны нэг бичлэг дээр нөхөр бид 2 чинь хуурамч үнэнч нь нийлээд 2 гэрлэлтийн баталгаа ба нэг хүүхдийн төрсний гэрчилгээтэй болсон билээ. Тэр үйл явдлаас хойш 3 жилийн дараа охин 3 нас хүрж үсийг нь авах болов. Эмээ өвөө 2 монголд ирж хүүхдийн үс ав гэж залигдсан болхоор охин бид 2 Монгол нисвээ. 2 долоо хоногийн дараа аав хойноос ирсэн юм. Нөхрийн ажил тэгж таарсан бөгөөд 3уулаа зэрэг монголд очихоор хаана байхаас шалтгаалаад л бөөн проблем болдог тул ингэж зохицуулсан юмаа. Би ээж аавындаа баймаар байдаг, хадам ээж хүүгээ хажуугаасаа хөдөлгөхгүй. Хэхэхэ.

Шар хүүхнийхээ тухай хэдэн үг бичнэ ээ.

Би нөгөө тураадаг программаа мөрдсөөр өөрийн мөрөөдлийн жиндээ хүрчээд байна аа. Туранхай байх чинь яасан ч сайхан юм. Хамаг бие хаа хөнгөрөөд л .... Өөрийгөө толинд харахаар л сэтгэл нээх сайхан сэргээд л ирнэ. Өчигдөр бас сүүлд авсан шинэ өмдөө өмсөөд л толинийхоо өмнө эргэлдэж байсан чинь миний шар хүүхэн ээж гуай одоо маяглахаа болиод явж хувцасаа солиод гараа угаа гэдэг гэнэ ээ. Хэхэхэ. Үхэтлээ инээсэн гэж байгаан. Нээх аймар серьёзный царай гаргачихсан ташаагаа тулчихсан зогсож байгаа байхгүй юу. Хахах. Бодвол одоо би л тэгдэг юм байлгүй дээ.

Тамхинаас гарсан нөхөр... сэжигтэй шүү

Нөхөр бид 2 хоёулаа тамхичин. Ялгаа нь гэвэл би тамхинд үнэн дургуй. Хэхэх. Тэнэг сонсогдож байна уу? Би өөрөө тамхи татдаг мөртлөө хувцас, үснээс тамхи үнэртэх, бас хажууд хүн тамхи татахаар аймар дургуй. Дээрээс нь гэрээс тамхи үнэртэх юм бол тэгээд боогоод үхнэ шүү дээ. Тиймээс бид 2 байнга балкон дээр гарч тамхи татна. За би бол олон нийтийн газар тамхи бараг татахгүй ээ. Энд байдаг манай найзууд бол намайг тамхи татдаг гэж мэдэх ч үгүй. Заримдаа баар мааранд сууж байхад татмаар санагдах юм бол гадаа гараад татчихана.

Гэрлэлтийн баталгаанаас төрсний гэрчилгээрүү хадуурсан бичлэг

Манай нөхөр бид хоёр 3 удаа батлуулсан гэж байгаан. Одоо тэгээд хэзээ хуримын өдөр юм бүү мэд. Ганцхан байдгаар нь анх найзалж эхлэсэн өдрөө л хуримын ой гээд тэмэглээд байдийншт. За эхнээс нь ярина аа.

Бандихай

За өнөөдөр бас дахиад нэг дурсамж бичнэ ээ. Дурсамжуудийг бичээд байхгүй бол бага багаар мартаад байдаг юм шиг байна.

Хүүхэд настай минь салшгүй нэг хүн бол миний "Бэбиситтер" Бандихай минь байгаа юм. Хөөрхий минь намайг 4 настай байхад бурхан болж би гэдэг хүн эргэж буцалтгүй цэцэрлэгийн хүмүүжигч болсон юм. Яг үнэнийг хэлэхэд Бандихай манай ямaр хамаатан гэдгийг би тодорхой хэлж мэдэхгүй. Ямар ч байсан эмээгийн талын хамаатан.

Хөдөөний жаахан Дэнсмаа хотын цагаан хүүхэн болсон түүх. Үргэлжлэл.

Орос ах нар фашист германуудыг буулган авдаг жил ээжийн маань эгч буюу манай Аниа төрсөн юм. Аавыгаа дууриасан бор охин мэндэлсэн ба эмээ маань дөнгөж 19 настай байжээ. Дайны дараа хотын анхны хороолол болох 1р 40 мянгат баригдаж өвөө маань тэнд 2 өрөө байр авснаар эмээ, өвөө 2 охиноо аваад тийшээ нүүжээ. Энэ хооронд харин эмээгийн маань анхны хайры эзэн болох нутгийн залуу хайртай охиноо буцааж авчирхаар Улаанбаатар хотыг зорисон байж.

Хөдөөний жаахан Дэнсмаа хотын цагаан хүүхэн болсон нь

Бага байхад эмээтэйгээ цай уугаад, юм яриад их суудаг байждээ. Эмээ маань намайг хааяа жаал чалчиж суухаар их баярлана, тэгээд л амьдрал, залуу насаа дурсаад ярихаар, тэр нь надад үлгэр шиг л санагддаг байж билээ. Эргээд санахад эмээгийн маань туулсан амьдрал их сонин санагддаг юм. Иймээс зээ охин нь болох миний би энэхүү бичлэгийг хайрт эмээ Дэнсмаагийн дурсгалд зориулав.

Төмсний хаан

Ээжийн сахилгагүй шар өчигдөр жүжигт тоглоод. Сүүлийн 2 долоо хоног цэцэрлэг дээр нь намар гэсэн сэдвээр янз бүрийн үйл ажиллагаа зохиогдсон юм. Тэгээд өчигдөр цэцэрлэг дээрээ эцэг эхчүүдийг уриад хийсэн юмнуудаа танилцуулаад, дараа нь хүүхдүүд жүжиг тоглож үзүүлж байна. Төмсний хаан гэдэг нэртэй гэнэ ээ. Жоохон байхад өнхрүүш гээд үлгэр байдаг байсан даа, тэрүүнтэй л төстэй үйл явдал гарч байна. Тэгсэн миний шаркоов нь эмээгийн дүрд тоглов. Нээх том духаа гаргаад цэнхэр алчуураар толгойгоо боочихсон, тэгснээ нээх инээдтэй том нүдний шил зүүчхэж. Хэхэхэ. 7 хоногийн өмнө багш нь үг өгөөд гэрт нь сайн бэлдээрэй гэсэн юм. Аав бид 2 нь бэлдүүлээд.

Хулгайч

За яадаг билээ энэ чинь? Энэ блог-нд бур донтоод энэ 7 хоногт ямар ч ажил хийж чадсангүй. Өглөө ажил дээр ирээд л news.mn уншаад тэгээд л за ганц шагаачий гэж банжиг ороод л уншаад, уншаад нэг хархаар ажил тарах цаг болчих юмаа. Хэхэхэ. За бас далийж байна. Сая бас л хэсэж яваад хүмүүсийн дурсамжуудыг уншаад бага насны нэг дурсамж санаанд орчлоо. Би 8-9 настай л байсан байх. Өдөр сургуулиасаа ирчээд л лаг гэрээ цэвэрлэдэг баатар болоод тоос соруулваа. Дуусчихаад тоос сорогчнийхоо залгуурыг очиж салгахаасаа залхуураад шууд л утаснаас нь лаг хүчтэй угзраад л татчихсан. Тэгсэн яасан?

Ямар хурдан юм бэ.

Ээжийн муухай охин чинь ямар ч том болчихсон юм бэ дээ. Саяхан л нэг инээдтэй улаан юм нүдээ ч нээгээгүй байж ээжийнхээ мээмийг хайгаад л уйлаад байдаг байсан чинь. Одоо бүр том болоод том том юм яриад инээд хүргээд байх юм. Өчигдөр охинтойгоо юм ярьж суугаад ээж нь охиндоо дүү гаргаж өгөх үү гэсэн чинь тэг, гэхдээ зөвхөн эмэгтэй дүү шүү гэж байна. Би тэгэхээр нь ээжд нь ийм хөөрхөн охин байгаа шүү дээ, харин хүү байхгүй юм чинь... Тэгвэл ээж нь ерөөсөө 2 маамуу гаргаад өгөе.

Энхрий хайрт ४० мянгат минь ээ...

Би бол угийн тас хотын хүүхэд. Ер нь бол хөдөө бараг явж үзээгүй. Дээд сургууль төгссөн жилээ харин найзын маань найз залуу цагдаагийн академи төгсөөд Увс аймагт хуваарилагдсан юм. Бид 2 тэгээд түүнийг эргэдэг хүн болоод 3 долоо хоног Увс явсан. Тэгэхэд надаа бас л гадаадад байгаа юм шиг л байсан. Гоё байсан л даа, гэхдээ л тийм дотно санагдаагүй. Төрж өссөн Улаанбаатар, тэр дотроо 1р дөчин мянгат, Улсын их дэлгүүрийн зүүн талын гудамж, урт цагаан, хүнсний 20р дэлгүүр гээд сэтгэлд дотно газар их байна.